Description

УПАТСТВО ЗА УПОТРЕБА: ИНФОМАЦИЈА ЗА КОРИСНИКОТ

EFRIDOL 100 mg таблети

EFRIDOL 100 mg гранули за перорална суспензија

Nimesulide

Пред употреба на лекот внимателно прочитајте го целото упатство

– Чувајте го упатството. Можеби ќе треба повторно да го прочитате.

– Ако имате било какви прашања, обратете се кај вашиот лекар или фармацевт.

– Овој лек Ви е препишан вам. и не го давајте на други, бидејќи може да им наштети, дури и ако нивните симптоми се исти како и Вашите.

– Ако било кој од несаканите дејства се влоши или ако забележите несакани дејства кои не се наведени во ова упатство, кажете му на вашиот лекар или фармацевт.

Во ова упатство:

1. Што е EFRIDOL и за што се користи
2. Пред да го земете EFRIDOL
3. Како да го земате EFRIDOL
4. Можни несакани дејства
5. Како да се чува EFRIDOL
6. Други информации

1. Што е EFRIDOL и за што се користи

EFRIDOL е нестероиден антиинфламаторен лек (NSAID) со аналгетски својства. Тој се користи за третман на акутна болка и менструална болка.

Пред да Ви препише EFRIDOL, Вашиот доктор ќе ја процени потенцијалната корист која може да ја има овој лек во однос на ризикот од неговите несакани дејства.

2. ПРЕД ДА ГО ЗЕМЕТЕ EFRIDOL

Немојте да земате  EFRIDOL доколку:

• Вие сте пречуствителни (алергични) на нимесулид или било која од состојките на EFRIDOL (наведени во дел 6 на крајот на ова упатство);
• Вие имате некој од следниве симптоми по земањето на аспирин или друг NSAIL:
  • Шуштење при дишење, стегање на градите, губење на здив (астма)
  • Затнат нос поради израстоци на лигавицата во внатрешноста на носот (назални полипи)
  • Исип/јадеж (уртикарија)
  • Нагло отекување на кожата или лигавиците, како што се отоци околу очите, на лицето, усните, во устата или грлото, кои можат да предизвикаат тешкотии при дишењето (ангиоедем)
• Вие некогаш, после третманот со NSAIL сте имале реакции како што се:
  • Крварење во желудникот или цревата
  • Улкуси (перфорации) на желудникот или во цревата
• Вие неодамна сте имале улкуси или крварење во желудникот или дуоденумот или пак сте имале нешто вакво во минатото (најмалку две епизоди на улкус или крварење)
• Вие сте имале крварење во мозокот (мозочен удар);
• Вие имате било какви проблеми со крварење или нарушена коагулација на крвта
• Вие имате тешко заболување на црниот дроб
• Вие земате други лекови за кои е познато дека имаат ефект врз црниот дроб, на пр.парацетамол или други аналгетици или пак NSAIL
• Вие земате лекови или други супстанции кои создаваат завист
• Вие премногу пиете (алкохол)
• Вие некогаш сте имале реакција на нимесулид во која бил инволвиран црниот дроб
• Вие страдате од тешка бубрежна болест за која не е потребна дијализа
• Вие имате тешко заболување на срцето;
• Вие имате треска или грип (чувство на општа болка, малаксаност, треперење или тремор или висока температура);
• Вие сте во последно тромесечие од бременоста;
• Вие доите.

Немојте да им давате EFRIDOL  на деца помали од 12 години.

Предупредувања

Лековите како што е EFRIDOL можат да бидат поврзани со извесно зголемување на ризикот  од срцев удар (миокарден инфаркт) или мозочен удар. Секој ризик е поголем при повисоки дози и подолготраен третман. Немојте да ги прекорачите препорачаната доза и препорачаното времетраење на третманот.

Ако имате проблеми со срцето, ако сте имале мозочен удар или ако мислите дека кај Вас постои ризик  од вакви состојби (на пр. ако имате висок крвен притисок, дијабетес или висок холестерол или ако пушите)  треба за третманот да поразговарате со Вашиот лекар или фармацевт.

Ако за време на третманот добиете тешка алергиска реакција, престанете да го земате EFRIDOL и известете го Вашиот лекар штом се појават исипи по кожата, лезии на меките меките ткива  (мукозните мембрани) или било кој знак на алергија.

Веднаш престанете да го земате EFRIDOL ако добиете крварење (црни столици) или улкуси во дигестивниот тракт (кои предизвикуваат болка).

Бидете особено претпазливи со EFRIDOL

Ако за време на третманот со нимесулид добиете симптоми кои сугерираат на оштетување на црниот дроб, веднаш престанете да земате нимесулид и информирајте го Вашиот лекар. Симптоми кои укажуваат на оштетување на црниот дроб се: губење на апетит, гадење, повраќање, абдоминална болка, постојан замор и темна урина.

Ако страдате од пептичен улкус, крварење во желудникот или во цревата или од инфламаторна болест на цревата, како што е улцеративен колитис или Кронова болест, морате за ова да го информирате Вашиот лекар пред да почнете да земате EFRIDOL.

Ако за време на третманот со EFRIDOL се појават треска и/или симптоми на грип (болки по целото тело, чувство на нелагодност, треска), престанете да го земате лекот и информирајте го за ова Вашиот лекар.

Ако имате умерено заболување на срцето, висок крвен притисок, проблеми со бубрезите или со циркулацијата известете го за ова Вашиот лекар пред да почнете да земате EFRIDOL.

Ако сте повозрасни, Вашиот лекар може да Ви препише редовни прегледи за да се увери дека  EFRIDOL не Ви предизвикува проблеми со стомакот, бубрезите, срцето или црниот дроб.

Ако планирате да забремените, известете го за ова Вашиот лекар бидејќи EFRIDOL може да ја намали плодноста.

Ако имате нетолеранција кон некои шеќери, консултирајте се со Вашиот лекар пред да го земете овој лек.

Ако земате некој од следните лекови, кои можат да стапат во интеракции со EFRIDOL, кажете му на Вашиот лекар или фармацевт дека земате вакви лекови пред да започнете да земате EFRIDOL:

• Кортикостероиди (лекови кои се користат за третман на воспалителни процеси),
• Лекови за разредување на крвта (антикоагуланси, на пр. Варфарин или антитромботици, аспирин или други салицилати)
• Антихипертензивни лекови или диуретици (лекови кои го контролираат крвниот притисок или проблеми со срцето)
• Литиум, кој се користи за третман на депресија и слични нарушувања
• Селективни инхибитори на повторното превземање на серотонинот (лекови кои се користат за третман на депресија)
• Метотрексат (лек кој се користи за третман на реуматоиден артритис и карцином)
• Циклоспорин (лек кој се користи по трансплантација на органи или за третман на имунолошки нарушувања)

Земање на ЕФРИДОЛ со други лекови

.

Ве молиме да го известите Вашиот лекар или фармацевт ако земате или неодамна сте земале некои други лекови, вклучувајЌи ги и оние лекови кои се издаваат без рецепт.

Бременост и доење

Посоветувајте се со Вашиот лекар пред да земете ЕФРИДОЛ или било кој друг лек.

-ЕФРИДОЛ не смее да се употребува за време на последното тромесечие од бременоста. Тој може да предизвика проблеми при породувањето и кај новороденчето.

– Ако планирате да забремените, известете го за ова Вашиот лекар бидејЌи ЕФРИДОЛ може да ја намали плодноста.

– Ако сте во првото или во второто тромесечие од бременоста, немојте да ги пречекорите дозата и времетраењето на третманот кои Ви ги препишал Вашиот лекар.

ЕФРИДОЛ не треба да се применува за време на лактацијата.

Возење и ракување со машини

Немојте да возите или да ракувате со маШини ако ЕФРИДОЛ Ви предизвикува зашеметеност или сонливост.

Важни информации за некои од состојките на ЕФРИДОЛ

Таблетите и гранулите за перорална суспензија ЕФРИДОЛ содржат шеќери. Ако Вашиот лекар Ви кажал дека имате нетолеранција кон некои шеќери, консултирајте се со него пред да го земете овој лек.

КАКО ДА ГО ЗЕМАТЕ ЕФРИДОЛ

Секогаш земајте го ЕФРИДОЛ  точно онака како што Ви рекол Вашиот лекар. Ако во нешто не сте сигурни, консултирајте се со Вашиот лекар или фармацевт.

За да ги намалите несаканите дејства, земајте ја најмалата ефикасна доза во најкус можен временски период кој е неопходен за да се воспостави контрола над симптомите.

Вообичаена доза е една таблета од 100 мг, или една кесичка гранули за перорална суспензија од 100 мг, два пати дневно по јадење. Земајте го ЕФРИДОЛ во најкус можен временски период и не подолго од 15 дена во еден циклус на терапија.

Ако сте зеле повеЌе ЕФРИДОЛ отколку Што е потребно

Ако сте зеле, или мислите дека сте зеле, повеќе од препишаната доза на ЕФРИДОЛ (предозирање), веднаш морате да се јавите во болница или на Вашиот лекар. Понесете ги со вас сите преостанати таблети (гранули). Предозирањето може да ги вклучува следните симптоми: сонливост, гадење, болка во стомакот, улкуси на желудникот, тешкотии при дишењето.

Ако сте заборавиле да го земете ЕФРИДОЛ

Немојте да земате двојна доза за да ја надоместите пропуштената доза.

МОЖНИ НЕСАКАНИ ДЕЈСТВА

Како и сите други лекови, и ЕФРИДОЛ може да предизвика несакани дејства, иако не кај сите луѓе кои го земаат.

Ако почувствувате било кој од следните симптоми, веднаш престанете да го земате лекот и консултирајте се со Вашиот лекар бидејЌи можеби имате некое ретко сериозно несакано дејство кое изискува итен медицински третман:

– Нелагодност или болка во стомакот, губење на апетит, гадење, повраќање, крвавење во желудникот или цревата или црна столица;

– Кожни реакции како што се исип или црвенило;

– шуштење при дишењето или губење здив;

– Жолтило на кожата или во очите (жолтица);

– Неочекувани промени во количеството или бојата на урината;

– Отекување на лицето, стопалата или нозете;

– Постојан замор.

Несакани ефекти карактеристични за сите нестероидни антиинфламаторни лекови (НСАИЛ):

Употребата на некои НСАИЛ може да биде поврзана со извесно зголемување на ризикот од артериска оклузија (тромбоза), како Што е срцев удар (миокарден инфаркт) или мозочен удар, особено при високи дози и долготраен третман.

Пријавени се и задржување на течности (едем), висок крвен притисок (хипертензија) и срцева инсуфициенција, поврзани со употребата на НСАИЛ.

Најчестите несакани дејства на НСАИЛ се поврзани со дигестивниот тракт (гастроинтестинални ефекти):

– Улкуси на желудникот и на дуоденумот

– Перфорација на ѕидовите на цревата или на желудникот или интестинално крвавење (понекогаш фатални, особено кај повозрасни лица).

Други несакани дејства на нестероидните антиинфламаторни лекови (НСАИЛ) се:

– Чести (можат да се јават кај повеЌе од 1 на 100 пациенти): дијареа, гадење, повраќање, извесни промени во вредностите на тестовите на крвта со кои се одредува функцијата на црниот дроб.

-гастрични и интестинални крварења, чирови на желудник или дванаестпалачно црево, перфоративни чирови

– Ретки (можат да се јават кај 1 на 1000 пациенти): анемија, намален број на бели крвни клетки, зголемување на бројот на некои од белите крвни клетки (еозинофили), промени во крвниот притисок, крвавење, болка при мокрењето или заржување на урината, крв во урината, зголемени нивоа на калиум во крвта, анксиозност или нервоза, кошмари, заматен вид, забрано биење на срцето, валунзи, црвенило на кожата, воспаленија на кожата (дерматитис), чувство на нелагодност, замор.

– Многу ретки (можат да се јават кај 1 на 10000 пациенти): сериозни кожни реакции (познати како еритема мултиформе, Стевенс-Јохнсон-ов синдром, токсична епидермална некролиза) кои предизвикуваат ерупции по кожата и изразено чувство на нелагодност, оштетување на бубрежната функција или воспаление (нефритис); нарушување на функцијата на мозокот (енцефалопатија), намалување на бројот на тромбоцити во крвта, што предизвикува крвавење под кожата или во други делови од телото, црни столици кои се должат на крвавење, крвавење од желудникот или од цревата, улкуси на желудникот или на дуоденумот, перфорација на улкуси, воспаление на црниот дроб (хепатитис), понекогаш многу сериозно, кое предизвикува жолтило и блокада на протокот на жолчката; алергии, вклучувајќи колапс и тешки реакции со проблеми при дишењето, астма, намалена телесна температуура, зашеметеност, главоболка, несоница, болка во стомакот, проблеми со варењето на храната, чувство на печење во устата, јадеж (уртикарија), отекување на лицето и на околните делови од телото, визуелни нарушувања.

Ако некое од несаканите дејства се влоши или ако зебележите некои несакани дејства кои не се наведени во ова упатство, Ве молиме за ова да го исвестите Вашиот лекар или фармацевт. .

ЧУВАЊЕ НА ЕФРИДОЛ

Нема посебни услови за чување на ЕФРИДОЛ.

Чувајте го ЕФРИДОЛ на места недостапни за деца.

Немојте да го употребувате ЕФРИДОЛ по датумот на истекот на рокот на употреба, кој е назначен на пакувањето. Датумот на истекот на рокот на употреба се однесува на последниот ден во месецот.

Лековите не треба да се исфрлаат во отпадната вода или во отпадот од домаЌинствата. ПраШајте го ВаШиот фармацевт како да ги отстраните лековите кои веЌе не Ви се потребни. Овие мерки Ќе помогнат да се заШтити животната средина.

Други информации

што содржи ЕФРИДОЛ:

Активната супстанција е нимесулид.

Една таблета содржи 100 мг Нимесулид

Помошни супстанции се:  диоктил натриум сулфосукцинат, хидроксипропилцелулоза, лактоза, натриум скроб гликолат, микрогрануларна целулоза, хидрогенирано растително масло, магнезиум стеарат

Ексципиенсите се: цетомакрогол 1000, малтодекстрин, цитрична киселина, вкус на портокал

Како изгледа ЕФРИДОЛ и што содржи пакувањето:

ЕФРИДОЛ таблети од 100 мг: 30 таблети

ЕФРИДОЛ гранули за перорална суспензија од 100 мг: 30 кесички

Носител на одобрението за ставање на лекот во промет

КЕМОФАРМАЦИЈА-ШЕ дооел Тетово

Производител

– FINE FOODS & PHARMACEUTICALS N.T.M. S.p.A, Брембате, Италија

Ова упатство е последен пат ревидирано:

Јануари 2019